Владата денеска ја донесе најтешката одлука од своето постоење, а тоа е одлуката да побара прогласување на вонредна состојба. Прогласувањето на вонредна состојба е државничка одлука за која нѝ е потребна сплотеност, соработка, трезвеност и разум, напиша на својот фејсбук-профил министерката за правда Рената Дескоска.

Дескоска додава дека ширењето на вирусот и неговите последици по здравјето доведоа до одлука за барање за прогласување на вонредна состојба како единствен начин кој овозможува ефикасни инструмети за превземање мерки за заштита на јавното здравје и животот на граѓаните.

Таа посочува дека носењето на одлука за прогласување на вонредна состојба е потребно пред се заради добивање можност за ефикасно регулирање на одредени прашања кои треба да помогнат полесно да се надмине епидемијата и последиците кои таа ги предизвикува, пред се врз економскиот живот во земјата.

Вонредната состојба овозможува и ограничување на одредени човекови права, напиша Дескоска.