Секогаш носев одлуки кои создаваат поправедно општество, одлуки кои се во интерес на граѓаните, напиша на својот Фејсбук профил досегашната министерка за правда Рената Дескоска.

? На прво место е формирањето на новата ДКСК. Транспарентен начин на избор на членовите, со вклученост на граѓанското општество и медиумите. Се формираше комисија која е силна и независна во своето одлучување и комисија која води беспоштедна борба против корупцијата.

? Трошоците за извршители и нотари ги намаливме од 50-90%

? Започнавме скрининг процес со Европската унија за Поглавјето 23.

? Целосно усогласени закони од правосудството со Венецијанската комисија.

? 75% помали казни за прекршоци за граѓаните, 2 и пол пати помали за малите фирми.

? Воведовме опомена пред казна.

? Отпишавме над 10 милиони евра долгови на граѓаните кон јавни и државни претпријатија.

? Спроведовме надзор на АКМИС системот во судовите.

? Овозможивме продолжување на сите предмети на СЈО и спречивме амнестија.

? Донесовме нов Закон за бесплатна правна помош со кој адвокатот, судските трошоци и вештачењата се сега покриени од буџетот.

? Реформите во правосудството се признати и позитивно оценети од ЕУ.

? Донесовме над 20 закони – за правна држава и поправедно општество, од кои поважни се следните:

1. Закон за спречување на корупцијата и судирот на интересите
2. Закон за прекршоците
3. Закон за Судскиот совет
4. Закон за дополнување на Законот за судовите
5.Закон за управни спорови
6. Закон за управување со движењето на предметите во судовите
7. Закон за изменување и дополнување на Законот за судска служба
8. Закон за изменување и дополнување на Законот за Академијата за судии и јавни обвинители
9. Закон за извршување на санкциите
10. Закон за Јавното обвинителство
11. Закон за изменување и дополнување на Законот за Советот на јавните обвинители
12. Закон за бесплатна правна помош
13. Закон за правосудниот испит
14. Закон за слободен пристап до информации од јавен карактер
15. Закон за заштита на личните податоци
16. Закон за меѓународно приватно право
17. Закон за отпис на камати и репрограмирање на долгови и трошоци на физички лица
18. Закон за изменување и дополнување на Законот за извршување
19. Закон за изменување и дополнување на Законот за нотаријатот

? Изготвивме повеќе закони, кои Собранието не успеа да ги изгласа, меѓу кои:

1. Закон за меѓународна соработка во кривична материја
2. Закон за медијација
3. Закон за лобирање
4. Закон за јавнообвинителски службеници
5. Закон за Академија на судии и јавни обвинители
6. Закон за вештачење.

? Пристапивме кон 5 конвенции и протоколи:

1. Конвенцијата за надлежност, меродавно право, признавање, извршување и соработка во поглед на родителската одговорност и за мерките за заштита на децата, од 19 октомври 1996 година;
2. Конвенцијата за спогодбите за избор на суд, од 30 јуни 2005 година;
3. Конвенцијата за меѓународно остварување на правата за издржување на детето и други облици на издржување на семејството, од 23 ноември 2007 година и
-Протоколот за меродавното право кое ќе се применува на обврските за издршка, од 23 ноември 2007 година
4. Сингапурска конвенција за медијација.
5. Протокол за измена на Конвенцијата за заштита на лица во однос на автоматска обработка на лични податоци

-Ви благодарам за поддршката и благодарам на оние кои учествуваа во процесите- напиша Дескоска.