Дескоска до идните судии и јавни обвинители: Бидете независни и почитувајте ги законите - Слободен печат

Дескоска до идните судии и јавни обвинители: Бидете независни и почитувајте ги законите

Бидете независни и потчинети само на законите! Не слушајте ничии инструкции и не дозволувајте ничие незаконито влијание, ниту од законодавната власт, извршната власт, од која било политичка партија, медиумите, судскиот или јавнообвинителскиот менаџмент. Праксата за „телефонско правораздавање“, местење судски пресуди или обвиненија за кои можевме да слушаме во нелегално прислушуваните материјали, мора да остане зад нас – им порача на кандидатите за судии и јавни обвинители министерката за правда, Рената Дескоска, на Свечената церемонија во Врховниот суд.

Дескоска им посочи на кандидатите за судии и јавни обвинители да ги почитуваат процесните и материјалните права на учесниците во постапката и да запаметат дека притворот не треба да биде казна, туку само мерка за обезбедување присуство која се бара и изрекува само кога е нужно и кога постои основано уверување дека другите мерки нема да бидат доволни.

– Кога ќе бидете избрани на своите функции, државата ќе ви даде моќ, моќ со која треба да ја користите умно и во рамки на законот. Не дозволувајте таа моќ да ве заслепи. Не дозволувајте таа моќ да ве стави во искушение, бидејќи од вас граѓаните кои инвестирале во вашето образование очекуваат да бидете на браникот на борбата против корупцијата, а не да паднете под искушението на коруптивно однесување – рече министерката Дескоска.

Во Врховниот суд на Свечена церемонија директорката на Академијата за судии и јавни обвинители „Павел Шатев”, Наташа Габер – Дамјановска, им ги додели дипломите на 37-те кандидати од шестата генерација завршени кандидати за судии и јавни обвинители.

Најмногу бодови и прворангиран од шестата генерација е кандидатот за обвинител Даниел Коцев, втора е кандидатката за судија Маја Јанушев, а треторангирана е кандидатката Сузана Димитриева.

Габер – Дамјановска во оваа прилика, меѓу другото рече дека 37-те кандидати се млади професионални, од кои во иднина се очекува да ги заземат своите работни позиции и да му помогнат на правосудството, со оглед на тоа што постојат бројни места кои се уште не се пополнети, како за судии, така и за јавни обвинители.

Републичкиот обвинител Љубомир Јовески во своето обраќaње им порача на новите судии и јавни обвнители да не потклекнуваат на притисоците ниту од политиката, ниту од бизнисот, додека пак, врховниот судија Фаик Арслани кажа дека водилка на секој судија и обвинител треба да биде правдата како идеал на правото.

Сепак, оваа генерација на судии и јавни обвинители нема да биде доволна за да се пополнат празните места.

Прочитај повеќе

За последните 24 часа двојно повеќе починати од коронавирусот во Кина

Слободен Печат

Царовска и Шкријељ во Ресен: Јануарската пензија повисока за 700 денари

Слободен Печат

Столтенберг: Турција е клучна во борбата против ИД

Слободен Печат

Гуаидо: Диктаторското владеење ја уби можноста за разговори со Мадуро

Слободен печат

Трамп: Би сакал да сведочат и други функционери, но би било опасност за националната безбедност

Слободен печат

Ивановска-Османи: Усвојување на Националната стратегија ќе биде добар сигнал до ЕК

Слободен Печат

Остави Коментар

19 + 3 =

Прочитај повеќе

Рохани порача дека Иран никогаш нема да развие нуклеарно оружје

Слободен печат

Спасовски на средба со градоначалникот на Пустец, Колевски

Слободен Печат

Апостолова: Брисел е заинтересиран новата косовска Влада да биде формирана што поскоро

Слободен печат

Трамп: Ќе додадеме неколку држави на листата за рестрикција на влез во САД

Слободен печат

Трамп: САД до ноември ќе склучи трговски договор со ЕУ

Слободен печат

Османи: Франција има поомекнат став за почеток на преговори

Слободен печат