Носела ракавици и шешири (иако велат дека не ѝ се допаѓале), не се плашела од средна должина и црвен кармин, а истовремено изгледала елегантно и воздржано.

Таа немала комплицирани тајни за нега и секогаш била спремна да ги сподели во јавноста.

Еве на што не научи Џеки Кенеди:

1. Третирајте го карминот за уста како моден додаток 

Тешко може да ја замислите првата дама со впечатлива шминка – Жаклин тоа никогаш не го правела. Но, истовремено сакала сјајни кармини, бирајќи ги така да одговараат со нејзините фустани и одела. Нејзините омилени нијанси биле црвена и розова.

2. Спијте на свилена постелнина

Питер Ламас, стилистот кој соработувал со Жаклин изјавил: „Секогаш спиеше на свилени постелнини или ќе заврзеше свилен шал околу глава“. Памучната постелнина навистина влијае на квалитетот квалитетот на косата – таа станува кревка и кршлива, додека свилената постелнина ја оддржува мазна.

3. Исчистете ја добро кожата

Џеки Кенеди постојано патувала низ светот и секако, испробала разни производи за нега на лицето. Но, најмногу од се го сакала сапунот Dead Sea Mud Soap – Erno Laszlo, со кој се миела. Содржи кал од Мртвото море, особено богато со минерали (калциум, магнезиум, калиум), зрнца сол за пилинг на кожата и природни масла. Творецот на брендот е дерматологот Ерно Лазло. Жаклин била негов верен клиент.

4. Пронајдете го својот парфем

Џеки Кенеди сакала мириси, но еден од нејзините фаворити бил Lovely Parchouli 55 House od Krigler. Тоа е сезуална длабока композиција со ноти на амбер и бергамото, кое долго се задржува на кожата. Исто така го носела и парфемот Joy од Jean Patou.

5. Грижете се за веѓите

Жаклин била перфекционистка – особено кога биле во прашање нејзината лична нега и шминка. Посебно била внимателна околу грижата за веѓите – ги нагласувала со моливче, чешлала и поткренувала во благо закривен облик.

6. Носете марами и темни наочари

Идеалната прва дама исто така сакала опуштени викенди кога наместо внимателниот стајлинг можела себе си да си дозволи само свилен шал преку глава (фаворит ѝ биле Hermes). Но, доколку заборавите на шминка – големите темни наочари се тука да ве спасат.

7. Инвестирајте во квалитетна крема за лице

Првата дама била критикувана во јавноста кога се појавила фотографија на која е бремена и седи со цигара. Нејзината кожа патела поради оваа лоша навика, па таа се потпирала на богатите хидратантни креми и неги за лице кои ѝ ја спасувале кожата од дехидрација и лоша боја. Една од нејзините фаворите била кремата за лице Phormula 3-9 Repair Cream од истиот бренд како и сапунот, Erno Laszlo. Таа ја комбинирала кремата со масло за лице.

8. Користете масло за лице

Кенеди на своето лице нанесувала уште еден производ од Erno Laszlo, што и не не чуди што поранешната прва дама била клиент на познатиот дерматолог. Нејзиното омилено масло за лице била раната верзија на Phelityl Pre Cleansing Oil маслото за чистење, кое и денес може да се купи.

9. Користете масло за да ги заштитите врвовите на косата

Косата на Џеки била постојано изложена на сонце, како и третирана со разни производи за стилизирање. Стилистот Питер Ламас ја советувал секојдневно да нанесува масло на краевите од косата поради дополнителна заштита и хидратација.

10. Убав тен

Со години, Жаклин на кожата имала флеки и пеѓи од сонцето – тоа било резултат на честите одмори во Франција и Грчка. За да го сокрие нееднаквиот тен, Жаклин користела лесни течни пудри кои само малку ги прекривале несовршеностите.