Десерт без јајца и брашно
Состојки:
2 литри вода
600 грама гриз
300 грама шеќер
1 ванилин шеќер
200 грама кокос
2 лажици какао во прав
Доколку сакате да добиете побогат вкус, можете да додадете и малини, јагоди, банани или мармалад.
Подготовка:
Ставете ја водата да зоврие, а потоа во неа додајте го потребното количество гриз. Кога гризот ќе се свари, поделете го на два дела. Во едниот дел ставете го кокосот, а во вториот дел додајте го какаото.
Убаво измешајте ги двата дела од колачот одделно.
Во сад, префрлете го едниот дел од колачот и убаво израмнете го. Доколку сакате, можете врз него да ставите овошје или мармалад. Потоа, додајте го и вториот дел и убаво израмнете. Одозгора можете повторно да ставите овошје или да намачкате мармалад.
Вака подготвениот десерт, ставете го да отстои во фрижидер околу два часа, а потоа сервирајте го.