Денеска во градското дерби одиграно на „Олд Трафорд“, екипата на Манчестер јунајтед триумфираше со 2:0 против Манчестер сити.

На тој начин „црвените ѓаволи“ му направија „услуга“ на Ливерпул кој е многу блиску до освојување на шампионската титула во Премиер лигата оваа сезона.

Моментно на табелата водат Редси со 82 бодови, пред Манчестер сити со 57, додека Манчестер јунајтед е на петтата позиција со 45.

Првиот гол за Јунајтед го реализираше францускиот интернационалец Марсијал после асистенцијата на Португалецот Фернадеш после половина час игра.

Конечниот епилог беше поставен во самиот финиш од средбата, голманот на „граѓаните“, Едерсон направи грешка, МекТоминеј ја искористи шансата и ја испрати топката во мрежата (90+6`).

Претходно Челзи на домашен терен на стадионот „Стемфорд Бриџ“ убедливо го совлада составот на Евертон (4:0).