Дерби натпреварот од 27. коло на Првата македонска фудбалска лига помеѓу Вардар и Академија Пандев заврши без победник (1:1). Голот вреден бод за Академија Пандев го постигна Дориев во 85. минута откако претходно Вардар преку Аврамовски во 28. минута го овори резултатот.

Овој исход нјмногу му одговара на лидерот Шкендија, која во тетовското дерби со 2:1 ја совлада Ренова и ја зголеми предноста на табелата на 12 бодови пред второпласираниот Вардар. Бејтулаи и Радевски беа стрелци за лидерот на табелата, додека Садики го постигна голот за Ренова.

Работнички иако губеше со 1:0 по првиот дел против Шкупи, во второто полувреме за две минути направи целосен пресврт. Пеев и Илијоски во 55. и 57. минута беа стрелци на головите.
Македонија ЃП без никакви проблеми со 3:0 ја совлада Победа, а Силекс како гостин со голот на Додев триумфираше во дуелот со Беласица.

Резултати 27 коло:
Беласица – Силекс 0:1
Македонија ЃП – Победа 3:0
Шкендија – Ренова 2:1
Шкупи – Работнички 1:2
Вардар – Академија Пандев 1:1.

Табела:
1. Шкендија 62 бода, Вардар 50, Академија Пандев 46, Ренова 36, Работнички 36, Македонија ЃП 34, Шкупи 33, Силекс 28, Беласица 23, Победа 19.