Чешката тенисерка, Рената Ворачова која е депортирана од Австралија бидејќи властите и ја укинаа визатата која ја доби со медицинско изземање, не му се лути на Новак Ѓоковиќ и најави дека ќе бара финансиска компензација.

Откако настана хаосот околу Новак Ѓоковиќ и неговото укинување на австралиската виза која ја доби со медицинско изземање, власите и ја укинаа визата и на Ворачова, но таа правдата не ја бараше на суд како српскиот тенисер, туку се врати во Чешка.

– Тоа е добро, не само за него. Се надевам дека Новак ќе игра на Австралија Опен. Затоа и отидовме таму, да играме тенис, а не да бидеме дел од некои внатрешни игри. Бев во Австралија една недела и откако пристигна Новак се се смени. Само сум тажна поради се што се случи. Ова е еден од најголемите тениски турнири. Не можам да замислам дека вакво нешто е можено да се случи во Австралија во 21 век. Големо олеснување е што сега сум дома. Не се чувствував добро, не можем да спијам ниту да јадам многу  – изјави Ворачова.

Чешката тенисерка најави дека ќе бара финансиска компензација од Тениската федерација на Австралија поради депортирањето.
– Еден авионски билет ме чинеше 2.500 евра, а со мене патуваше и тренерот. Потоа тука се и хотелско сместување, тренинзите, потенцијалната заработка од наградниот фонд… Се надевам дека тениската федерација ќе го земе во предвид сево ова и нема да мора да се преземаат правни чекори – вели Ворачова.