Долг период Атлетико Мадрид ја следеше ситуацијата со Мемфис Депај и на крајот успеа да се договори со Барселона.

Холандскиот репрезенатативец својата професионална кариера ќе ја продолжи во главниот град на Шпанија, во еден од најголемите ривали на каталонскиот клуб.

Како што пренесува новинарот Фабрицио Романо, за сума од околу три-четири милиони евра Депај ќе го облече дресот на „јорганџиите“, а наскоро треба да бидат реализирани и лекарските прегледи.

Холанѓанецот ќе потпиша договор со Атлетико Мадрид кој ќе трае до јуни 2028 година.

Сезонава за Барселона имаше само два настапи во „Ла Лига“ и постигна еден гол. Во шампионатот составот на Диего Симеоне се бори за местата кои водат во Лигата на шампионите. Моментно клубот од „Ванда Метрополитано“ има 28 бодови на четвртата позиција, а ист број на бодови имаат и Виљареал и Бетис.

Memphis Depay to Atlético Madrid, here we go! Agreement sealed on fee around €3/4m to Barcelona, Depay is set to travel to Madrid for medicals soon 🚨⚪️🔴 #Atléti

Memphis will sign a contract valid until June 2028. pic.twitter.com/NvkEp4AD9N

— Fabrizio Romano (@FabrizioRomano) January 18, 2023