Депај е замената за Луис Суарез во Барселона!?
Се шпекулира веќе еден и пол месеци, искусниот холандски напаѓач можно е наскоро да се пресели на „Камп Ноу“.
Последните информации велат дека Мемфис Депај токму на последниот ден од преодниот рок ќе биде промовиран како нов играч на Барселона. А тоа го потврди и директорот на досегашниот клуб на играчот, Лион, Жунињо Пернамбукано.
Се најавува дека Французите ќе добијат 25 милиони евра како обесштетување за Депај, кој уште одамна се договори околу лични услови.
#Depay @Memphis will join tomorrow @FCBarcelona from @OL #transfers @SkySport
— Gianluca Di Marzio (@DiMarzio) October 4, 2020
Лион на тој начин ја исполни желбата на Депај да соработува со неговиот сонародник, тренерот на Барса, Роналд Куман, како што успешно тоа го правеше во холандската репрезентација.
Депај доаѓа во каталонскиот клуб како замена за Луис Суарез, Уругваецот кој реализираше трансфер во Атлетико Мадрид.