Денвер со серија 24:0 дојде до триумф над Орландо
Кошаркарите на Денвер дојдоа до 18. победа сезонава, а четврта во низа, благодарение на неверојатниот пресврт во второто полувреме. Орландо на полувремето имаше предност од 15 поени (45:60) која во третата четвртина се искачи на 19 поени (60:69). Но, тогаш започна неверојатната серија на кошаркарите на Денвер од 24:0 со која дојдоа до пресврт и триумф од 113:104.
Џамал Мареј беше најефикасен во редовите на Денвер со 33 поени, додека Никола Јокиќ имаше учинок од 18 поени и 12 скокови, а кај Орландо најдобар беше Никола Вучевиќ со 20 поени.
Оклахома во победата над Мемфис од 126:122 успеа да се врати од поголема негатива. Мемфис во третата четвртина имаше предност од 21 поен, но во последната четвртина со одлична игра успеа да се врати во живот и во последната минута од натпреварот со серија од 6:2 да дојде до голема победа. Денис Шрудер постигна 31 поен, додека кај Мемфис најпрецизен беше Јонас Валанчиунас со 24 поени.
По 13 порази во низа, Њу Орлеанс конечно успеа да слави, и тоа над Минесота со 107:99. Брендон Инграм даде 34 поени, додека на спротивната страна Ендрју Вигинс даде 27 поени.
Голден стејт продолжува да донесе се подлабоко. Нов пораз, сега од Портланд од 122-112. Демијан Лилард запиша 31 поен, МекКалум дополни со 30 поени во победата на домашните, а Робинсон на спротивната страна постигна 17 поени.
Резултати:
Кливленд – Шарлот 100:98
Детроит – Торонто 99:112
Филаделфија – Мајами 104:108
Вашингтон – Чикаго 109:110
Минаесота – Њу Орлеанс 99:107
Оклахома сити – Мемфис 126:122
Денвер – Орландо 113:104
Далас – Бостон 103:109
Портланд – Голден Стејт 122:112