ДЕНОТ КОГА ПАДНА СЛОБОДАН МИЛОШЕВИЌ: 19 години од демонстрациите на 5 октомври (ФОТО) - Слободен печат

ДЕНОТ КОГА ПАДНА СЛОБОДАН МИЛОШЕВИЌ: 19 години од демонстрациите на 5 октомври (ФОТО)

Денеска се навршуваат 19 години од големите демонстрации во Белград на 5 октомври 2000 година, со кои заврши владеењето на Слободан Милошевиќ.

Демонстрациите во Белград избија откако Милошевиќ одби да ги признае резултатите од изборите за претседател на СР Југославија. На изборите на 24 септември 2000 година, Милошевиќ загуби од кандидатот за ДОС и лидер на Демократската партија на Србија (ДСС) Воислав Коштуница.

На 5 октомври демонстрантите пристигнаа на платото пред тогашното Сојузно собрание, а денес Народно собрание, од цела Србија, во колони од автомобили, автобуси и камиони долги десетици километри, пробивајќи ги со булдожери полициските блокади.

Фото: Принтскрин

Веќе претпладнето, полицијата употреби солзавец за да ги спречи демонстрантите да влезат во Собранието, но безуспешно. Зградата на собранието беше демолирана и запалена, како и зградата на РТС.

Полицијата наскоро престана да се спротивставува и им се придружи на граѓаните.

Вечерта на 5 октомври 2000 година, новиот претседател на СРЈ, Воислав Коштуница им се обрати на граѓаните од терасата на Собранието на град Белград, а следниот ден, на 6 октомври, Милошевиќ го призна изборниот пораз и му честиташе на Коштуница.

Во демонстрациите едно лице го загуби животот, а друго почина од срцев удар. 65 лица беа повредени.

Фото: Принтскрин

Тогашните учесници во владеењето на Слободан Милошевиќ денес повторно ги заземаат најважните позиции во Србија.

Српскиот претседател Александар Вучиќ во тоа време беше министер за информации, тогашната вицепремиерка Маја Гојковиќ сега е претседател на српскиот парламент, поранешниот истакнат член на ЈУЛ Александар Вулин е министер за одбрана, додека портпаролот на СПС Ивица Дачиќ денес е министер за надворешни работи.

Воислав Коштуница, кој беше избран за претседател на СРЈ како кандидат на ДОС, се повлече од политиката, а премиерот Зоран Ѓинѓиќ беше убиен на 12 март 2003 година испред зградата на српската влада.

Слободан Милошевиќ почина во 2006 година во затворот во Хаг, а неговата сопруга и поранешна претседателка на ЈУЛ, Мирјана Марковиќ почина на 14 април годинава во Русија и е погребана покрај нејзиниот сопруг во Пожаревац.

Прочитај повеќе

Тирана ја убеди и ДП да биде дел од изборната коалиција на Албанците од Прешевската Долина

Слободен печат

Грчката полиција запленила повеќе од 1 тон кокаин, приведени се 8 лица (ВИДЕО)

Двајца од тројцата заболени во Франција пристигнале на аеродром без симптоми

Слободен печат

Касами: БЕСА работи на формирање трипартитна коалиција, но подготвени сме и самостојно да излеземе на избори

Слободен печат

Ватикан го повика ирачкиот претседател да ги заштити христијаните во таа земја

Слободен печат

Остави Коментар

3 × four =

Прочитај повеќе

Петровска: Бирото за јавна безбедност веднаш започна истрага за затворената група на „Телеграм“

Слободен печат

Русија го задржува правото на реципрочни мерки кон Бугарија

Слободен печат

Во затворена група на „Телеграм“ македонски средношколци споделуваат експлицитни фотографии од врсници

Слободен печат

Шкријељ: Просечната пензија ја зголемуваме на 15.500 денари од февруари годинава

Слободен печат

Тројца Французи и еден Ирачанец се водат за исчезнати во Багдад

Слободен печат

СЛУЧАЈНОСТ ИЛИ? 1720. чума, 1820. колера, 1920. шпанска треска: ШТО Е СЛЕДНО?

Слободен печат