Денеска во Собранието ќе се гласа за изборот на новите министри

Собрание / фото: Влада на РСМ

Денеска во Собранието ќе се оддржи седница на која ќе треба да се гласа за предлозите за разрешување на членовите на Владата и за изборот на новите министри.

Според веќе познатите одлуки, пратениците ќе гласаат за избор на Трајан Димковски за нов министер за земјоделство, Насер Нуредини за животна средина и просторно планирање, Хусни Исмаили за култура, Горан Милевски за локална самоуправа, Садула Дураки за политички систем и односи меѓу заедниците и премиерот Зоран Заев за министер за финансии, функција што ќе ја извршува во определен период заедно со функцијата претседател на Владата.

Претходно се очекува Собранието да ги разреши Драган Тевдовски од функцијата министер за финансии, Љупчо Николовски од функцијата министер за земјоделство, Сухејл Фазлиу од функцијата министер за локална самоуправа, Сабдула Дураки од функцијата министер за животна средина, Зоран Шапуриќ од функцијата министер без ресор задолжен за инвестиции и Хазби Лика од функцијата министер без ресор задолжен за спроведување на Рамковниот договор.

Премиерот Зоран Заев имињата на новите министри во Владата ги објави во неделата во Валандово, по што предлогот беше доставен до претседателот на Собранието Талат Џафери. Сите кадровски промени во извршната власт, Заев очекува да завршат до крајот на месецов и најави дека очекува со реконструкцијата да биде направена смена и на околу 20 места во централната власт.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот