Според календарот на МПЦ (Јулијанскиот календар) денеска е 15 ноември.
Денеска е Св. маченици Гуриј, Самон и Авив (Божиќен пост)
Гуриј и Самон беа угледни граѓани на Едеса. За време на едно гонење на христијаните, беа изведени пред суд и, бидејќи не сакаа да принесат жртва пред празните идоли, беа фрлени в затвор. Најпосле, им беа отсечени главите. Тоа се случи во 322 година. По некое време пострада и едескиот ѓакон Авив, кој беше фрлен во оган. Сепак, неговите мошти останаа цели, па мајка му ги погреба заедно со моштите на светите Гуриј и Самон. Кога престана гонењето, христијаните подигнаа црква во чест на овие тројца светители. Таму ги сместија и нивните мошти. Овие тројца светители се пројавија како големи чудотворци после нивната смрт.
Божиќните пости почнуваат денеска и ќе траат до 6-ти јануари идната година. Постите се востановени во чест на раѓањето на Исус Христос, а освен телесниот важен е и духовниот пост.
