За денеска со почеток од 19:00 часот е најавен нов протест на граѓаните под мотото „Ултиматум – НЕ благодарам” пред Владата на Република Македонија

Протестот ќе започне пред Владата, а потоа ќе продолжи преку Министерството за надворешни работи до Собрание на Република Македонија.

Граѓаните и денеска масовно ќе се спротивстават на понижувачкиот предлог за Македонија со кој се прифаќаат сите бугарските услови, соопштија во повикот организаторите на протестот потпишани само како „Ултиматум – НЕ благодарам” .

Протестите започнаа официјално во саботата, иако и во петокот помала група на граѓани протестираа пред владата. Синоќа во текот на протестите забележани се неколку инциденти пред Собранието и пред Владата во кои се повредени четворица полицајци, а оштетени се и прозорци и заштитни огради на институциите.