Денеска ќе се одржи Комеморација во чест на македонскиот композитор и диригент Александар Џамбазов, во Фоајето на Националната опера и балет во 10 часот, а неговото последно испраќање на градските гробишта во Бутел во 12 часот.

Синот на маестро Џамбазов, актерот Игор, објави дека денеска ќе биде испраќањето на неговиот татко на вечното почивалиште. Игор притоа напиша дека погребот ќе биде од затворен тип, заради ковид-протоколите.

„Драги пријатели. Утре ќе го испратиме во вечноста татко ми Александар, вашиот омилен маестро, чичко Ацо, Џамбаз… Комеморацијата ќе биде во МОБ во 10 часот, а погребот во 12 часот. Семејството Џамбазови ви благодари за подршката и убавите зборови. Ве известуваме дека погребот ќе биде од затворен тип, се заради ковид-протоколите. Сите што ќе сакате да му кажете последно збогум, ќе можете да го направите тоа од сабота, па натаму. Ве молиме за разбирање“, порача вчера Игор на својот профил на Инстаграм.

 

View this post on Instagram

 

A post shared by Игор Џамбазов (@igordzambazov)

Диригентот и композитор Александар Џамбазов почина на 25 јануари, на 85-годишна возраст.

Почина Александар Џамбазов: Последен поздрав маестро

ВИДЕО | Сестрата на Игор Џамбазов сподели трогателна објава: Преубави времиња, посебен човек, тато!