Вирџил Ван Дајк  сè уште ја носи титулата на најскап дефанзивец на светот откако Ливерпул за неговите услуги на Саутемптон му плати 75 милиони фунти. Фудбалерот од натпревар во натпревар покажува дека не се залудно платени толку многу пари за неговите услуги.

Сепак, на почетокот од неговата кариера малку фалело Вирџил Ван Дајк да не ги достигне сегашните успеси.
Неодамна тренерот на резервниот тим на Гронинген, Дик Лукен, раскажа застрашувачка приказна за Ван Дајк во која имало шанса тој да не биде меѓу живите.

Ван Дајк по натпреварот со Ексцелзиор во рамките на холандската прва лига завршил во болница поради болки во стомакот. Докторите не успеале да пронајдат ништо, одлучиле дека станува збор за вирус и го пратиле дома.

– Делуваше многу болно, но мислевме дека ќе му помине. Меѓутоа тоа што докторите веруваа дека е стомачен вирус, стануваше сè полошо за Ван Дајк. Дојде и неговата мајка и одлучивме да го однесеме во друга болница во која лекарите констатираа дека има воспаление на желудникот кое се проширило на слепото црево и на бубрезите – раскажува Дикен.

Ван Дајк не сака да зборува за тоа кога му било дадено да потпише тестамент.
– Од болките ми се привидуваа многу работи во болничката соба, мајка ми беше покрај мене. Бев опериран и пропуштив два месеци од сезоната. Навистина пред операцијата ми дадоа да потпишам документи, во случај на моја смрт мајка ми да задржи дел од моите примања. Јасно, ми беше тешко кога ги видов документите, но морав да ги потпишам, бев сведен дека постои можност да ми се случи и најлошото – зборува Ван Дајк.

Откако се врати во Гронинген одигра фантастична 2013/14 сезона, која му овозможи трансфер во шкотскиот шампион Селтик, со кго пак освои две титули. Потоа следеше трансфер во Саутемптон, а една година подоцна и рекорден трансфер во Ливерпул.