Денес две седници на Советот на Град Скопје
Советот на Град Скопје денеска ќе одржи две седници. На 46-та седница, закажана на пладне, на дневен ред е поставување советнички прашања.
По нејзиното завршување, Советот на Град Скопје ќе ја одржи 47-ма седница. На дневен ред се 20 точки меѓу кои: Предлог-одлука за изменување и дополнување на Oдлуката за воспоставување меѓуопштинска соработка помеѓу Град Скопје и Општина Чаир за изработка на проект за реновирање на салата „Партизан”, Предлог-програма за активностите на Град Скопје за соработка со здруженија и фондации во 2020 година, Предлог-годишна оперативна Програма за подигање и одржување на зеленило на подрaчјето на Град Скопје за 2020 година…
Советниците ќе расправаат и за повеќе Предлог-одлуки за давање согласност на инвестициска програма на јавните претпријатија „Паркови и зеленилo”, „Комунална хигиена”, „Улици и патишта”, ЈСП Скопје…