Денес.бг: Скопје негира се што е поврзано со Бугарија на нивната територија – Слободен печат
ВестиВи ПрепорачувамеМакедонија

Денес.бг: Скопје негира се што е поврзано со Бугарија на нивната територија

Според него, „нашите колеги се придржуваат кон постулатите на толкувањето кое е идеолошки мотивирано и толку упорно се обидуваат да ги одбранат овие позиции што работите почнуваат да личат на изразување на една негативна енергија“.

Без согласност по прашањето за личноста на Гоце Делчев, во Софија заврши седмата седница на мешовитиот комитет за историски и образовни прашања меѓу Бугарија и Северна Македонија, информира Денес.бг.

На крајот од средбата, копретседателите на комисијата Драги Георгиев и проф. Ангел Димитров објаснија дека дискусиите биле многу емотивни, но без конкретен резултат.

Професорот Димитров коментира дека „за да има мост, треба да има здрави темели“.

„Во нашата работа не треба да размислуваме за компромиси и преговори – овие зборови ги користат нашите колеги, туку повеќе за сериозна научна дискусија, во која одлуките се донесуваат врз основа на научни факти, на сериозна научна документација и истражување. Само на овој начин можеме да ги градиме темелите врз кои ќе го градиме мостот на пријателството и соседството “, рече Ангел Димитров.

Според него, „нашите колеги се придржуваат кон постулатите на толкувањето кое е идеолошки мотивирано и толку упорно се обидуваат да ги одбранат овие позиции што работите почнуваат да личат на изразување на една негативна енергија“.

„Вчера им реков дека имаат една логика да негираат се што е поврзано со Бугарија и бугарското на територијата, некогаш во Македонија, сега во Северна Македонија“, рече професорот Ангел Димитров.

Сепак, тој посочи дека теоретски дури и нешто погрешно или спротивставено може да биде основа за понатамошен развој во добра насока: „Но, јас сум премногу умерен оптимист“.

„После 3 месеци пауза, нашата седма средба може да се дефинира како најбезрезултатна и најразочарувачка. После долгата пауза, очекувавме позитивна енергија од нашите колеги. Имаше енергија, но во спротивна насока … Нашите колеги се премногу воздржани да ја корегираат идеолошко мотивираната интерпретација на минатото “, рече копретседавачот на бугарско-македонската заедничка комисија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close