Косовскиот претседател Хашим Тачи го прогласи утрешниот ден, четврток, за ден на жалост поради смрттна на полицаецот Сами Тачи кој настрада на должност во призренското село Жур.

Претседателот го прогласи полицаецот за херој на Косово, откако вчера вечер загина при детонација на експлозивна направа.

-Согласно законот, за ден на жалост е прогласен поради изразување почит за делото на полицаецот Сами Тачи. Државното знаме ќе биде спуштено на половина копје во сите државни објекти на Косово во земјата и во странство, рече Тачи.

Полицаецот од Специјалната единица за борба против дрога загина од експлозија од засега непозната направа. Во инцидентот повредени се уште двајца припадници на безбедносните сили и едно малолетно лице од семејството, во чија куќа се случи експлозијата.

Според досегашните информации, семејството повикало полиција бидејќи сега уапсениот Иран Бадалаја се однесувал насилно и користел наркотици.

Полициските службеници се обиделе да влезат во напуштениот дел на куќата, но по обидот да ја отворат вратата се случила експлозијата во која загина Тачи.

Според приштинските медиуми, Бадалај е познат по многубројните кривични дела. Основниот суд во Призрен против него води дури шест предмети.