Демонстрантите во Судан повикуваат на револуција, паднаа првите човечки жртви

Демонстрантите излегоа на улиците на главниот град Картум и вториот по голрмина судански град Омдурман носејќи судански знамиња и извикувајќи слогани против воената хунта, а во најновиот извештај на Ројтерс се наведува дека воените власти убиле двајца демонстранти .

Организациите кои се борат за демократизација на општеството ги повикаа граѓаните да излезат на масовни протести ширум земјата и да бараат враќање на соборената преодна влада и ослободување од притвор на високите политички функционери.

Специјалниот пратеник на ОН за Судан, Вокер Пертс, доцна синоќа се сретна со генералот Мохамед Хамдан Дагал, кој го предводи државниот удар, и кој е близок соработник на суданскиот генерал Абдел-Фатах Бурхан кој се смета за најмоќна воено политичка личност во Судан

Дагало командува со Силите за брза поддршка, паравоена единица која ги контролира улиците на главниот град Картум и која одигра голема улога во пучот.

Спецјалниот пратеник на ОН Вокер Пертс на својот Твитер профил напиша дека „апелирал до военото суданско раководство да дозволи мирни протести и да избегнува каква било вооружена конфронтација.

Денешните протести најверојатно ќе го зголемат притисокот врз суданските армиски генерали, кои се изложени на растечка осуда од САД и другите западни земји и апели за обновување на цивилната влада.

Демонстрациите беа организирани под слоганот „Враќањето назад е невозможно“, а демонстрантите бараа растурање на владејачкиот воен совет предводен од генералот Бурхан, предавање на власта на цивили, распуштање на паравоените групи и реструктуирање на воените, разузнавачките и безбедносните агенции за отстранување на офицерите сè уште лојални на поранешниот на претседателот, исламистите и автократите Ал Башир.

Видео на денот