Демонстрантите си заминуваат, не дочекаа Вучиќ да излезе од РТС
Иако беше најавено дека демонстрантите ќе го чекаат излегувањето на српскиот претседател од српскиот национален сервис РТС, луѓето кои стоеја пред зградата на телевизијата во Белград почнале да си заминуваат, пренесува „Н1“.
Организаторите на протестот „Еден од пет милиони“ и граѓаните се собраа пред зградата на РТС, поради најавеното гостување на Александар Вучиќ во емисија, и рекоа дека сакаат да му постават неколку прашања, но по иницијалните мали инциденти, изгледа дека ситуацијата во главниот град на Србија е смирена.
Според информациите од локалните медиуми, за време на протестите и контрапротестите имало мали инциденти, кога двете собрани групи тргнале една кон друга и биле забележани мали турканици и дофрлања, но полицијата не дозволила ескалација на состојбата. Станува збор за две групи, една која скандирала против лидерот на српската опозиција Драган Ѓилас, а други против Вучиќ.
Zašto ovo radite?
Zar i fotografe i snimatelje?#1od5miliona#StudentiNeĆute pic.twitter.com/ipQcLkoQUs— #1od5miliona (@STOPkrvavim) November 5, 2019