Демонстранти во Каталонија НАПАДНАЛЕ шпански медиуми: ФРЛАЛЕ предмети, влегувале во кадар и ги навредувале (ФОТО+ВИДЕО)
Сепаратистите во Каталонија нападнале четири новинари од шпанските медиуми за време на протестите пред регионалниот Парламент во Барселона, како што е покажано на снимките објавени еден ден подоцна, кога тие случаи ги осудило шпанското здружение на новинари.
Новинарката Анхела Гарсиа Ромеро од шпанската јавна телевизија РТВЕ е удрена со камен или лименка, додека во среда пренесувала во живо од местото на настанот.
Un equipo de TVE ha sido agredido por parte de un grupo de manifestantes concentrados ante el Parlament. El @CdItve ha mostrado su apoyo a los profesionales de RTVE en Cataluña y a los de otros medios de comunicación y ha defendido el derecho a informar libremente pic.twitter.com/BFCR90cihS
— Telediarios de TVE (@telediario_tve) September 11, 2019
Во кадарот влегувале демонстранти што пречеле на снимателот и емитувањето.
Диана Мата, новинарка за приватната телевизија Антена 3 и нејзиниот снимател исто така се навредувани, а биле и физички спречувани за време на преносот, јавува Еуропианџурналистс.орг.
„Агресијата претставува неприфатлив напад на слободата на истражување и информирање, кои се темелите на демократијата. Овие нови напади над новинарите потврдуваат дека во Каталонија слободното известување се соочува со големи ограничувања“, известила во четвртокот Шпанската федерација на новинарски здруженија (ФАПЕ).
This is the Catalonia independents. They don’t allow to work to journalists during #Diada2019 https://t.co/80ez13ighU
— depedrus (@Depedrus) September 12, 2019
Во среда на улиците во Барселона се собрале околу 600.000 демонстранти, кои го одбележувале националниот ден на Каталонија, соопштила градската полиција. Тој собир поминал без инциденти.
Но, околу 1.000 лица се организирале преку социјалните мрежи и се собрале пред Парламентот, барајќи оставка од политичарите на власта, обвинувајќи ги за предавство на идејата за самостојна Република Каталонија. На овој собир интервенирала и полицијата, која на влезот на Парламентот поставила метални бариери.
Фрлани биле лименки и димни бомби.
„Тој протест и таа група на луѓе не беа дел од организираната програма на националниот ден Диада. Тие немаат врска со организаторите“, рекол бившиот претседател на каталонската влада, Артур Мас при гостувањето на јавната телевизија РТВЕ и го осудил нападот врз новинарите.