Во Бејрут синоќа повторно се одржаа протести против владата, овојпат и заради големата експлозија во главниот либански град која одзема многу животи и остави уште повеќе луѓе повредени.

Демонстрантите се собраа блиску до парламентот каде се судрија со силите за безбедност, при што полицијата во повеќе наврати употреби солзавец и водени топови за да ја растера толпата.

При протестите биле запалени неколку помали пожари и со камења ги гаѓале полицајците. Либанските државни медиуми пренесуваат дека неколку луѓе се повредени за време на протестот.

?Tensions au #Liban où la vague de protestation contre le gouvernement semble reprendre de plus belle après la #BeirutExplosion

Une manifestation à lieu à proximité du parlement à #Beyrouth, tensions en cours.#Lebanon #Libanon #Beirut #LebanonProtests #protest pic.twitter.com/EaWNIyqne7

— Peuple Révolté (@PeupleRevolte) August 6, 2020

Многу од демонстрантите сметаат дека невниманието на владата довело до експлозијата во пристаништето на Бејрут.

Притоа оставка поднесе либанската амбасадорка во Јордан и пратеникот Марван Хамадех.

עימותים בין מפגינים לבין כוחות הביטחון בקרבת הפרלמנט בביירות. המפגינים מוחים על הפיצוץ בנמל והתנהלות הממשלה pic.twitter.com/XNJTTN24FS

— roi kais • רועי קייס (@kaisos1987) August 6, 2020

„На страна експлозијата, знаеме дека овде кризата е сериозна и вклучува историска одговорноста на сегашните лидери“, им рече претседателот на Франција, Емануел Макрон откако вчера пристигна во либанската престолнина.

Макрон пристигна во Бејрут, луѓето го влечат и го молат да ги спаси од власта во Либан (ВИДЕО)

Луѓето на улиците го повикуваа да им помогне да се „ослободат од сегашната власт“, но и од проиранската шиитска група која е дел од владејачката структура.

„Претседателе Макрон, ослободете не од Хезболах“, побараа Либанците.

Во црна вратоврска, симбол на жалење и опкружен со телохранители, Макрон вети дека ќе испрати дополнителна медицинска и останата помош за Либан, а еден човек му возврати дека се надева дека „помошта ќе ја добијат луѓето, а не корумпираните власти“.

Либан се соочува со распадната економија, домашни банки во криза, валута во слободен пад, долговите се трупаат, а Макрон на незадоволните луѓе исто така им рече дека „го разбира нивниот бес“ и дека „нема на режимот да му даде бланко чек“.