Во земјава пристигна бугарскиот министер за внатрешни работи Иван Демерџиев. Министерот Оливер Спасовски на својот фејсбук-профил информираше дека ќе остварат тет-а-тет средба, по што ќе следи официјална средба на двете делегации од МВР.

Посетата на бугарскиот министер, Демерџиев е по повод 4 февруари – денот на роденденот на Гоце Делчев и активностите што треба да се преземат.

Посетата на министерот беше најавена во петокот, по телефонскиот разговор на премиерите на Бугарија и на Северна Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.