Лос Анџелес лејкерс иако не успеа да го улови „капиталецот“ Каваи Ленард во летниот преоден рок, како замена го ангажираше ол стар центарот Демаркус Казнс. „Езерцата“ потпишаа едногодишен договор со Казнс вреден 3.5 милиони евра но се чини дека центарот нема да одигра ниту една минута за новиот тим и сезоната за него заврши уште пред да започне.

Имено, за време на индивидуалните подготовки во Лас Вегас, Казнс ги повреди врстените лигаменти на коленото, повреда која бара итна операција и рехабилитација која трае најмалку седум месеци .

ESPN story on exam results today: Lakers center DeMarcus Cousins has a torn ACL. https://t.co/HFnZO340RD

— Adrian Wojnarowski (@wojespn) August 15, 2019

Ова е втора тешка повреда за Казнс во последните две години, откако претходно ја повреди Ахиловата тетива, и тоа се двете најтешки повреди за еден спортист.

– Ова се пеколни години за Демаркус. Се надевав дека конечно ќе биде здрав и подготвен за настап. Повредите се составен дел од спортот, но тука зборуваме за човек кој мора да се бори со двете најтешки повреди за еден кошаркар, Ахиловата тетива и предните вкрстени лигаменти на коленото и тоа во последните две-три години. Ова е тежок удар не само за него туку и за лејкерси – шокиран е Стив Кер, тренерот кој минатата година го тренираше Казнс.