Делумно отворено метрото и некои продавници во Хонг Конг – Слободен печат
ВестиПланета

Делумно отворено метрото и некои продавници во Хонг Конг

Метрото во Хонг Конг денеска е делумно отворено, а повеќето станици останаа затворени поради вчерашните протести.

Метрото во Хонг Конг денеска е делумно отворено, а повеќето станици останаа затворени поради вчерашните протести.

Насилните протести ескалираа откако лидерката на кинеската територија Кери Лам по повеќе од 50 години воведе закон за вонредни ситуации од колонијално време, со кој се забранува носење маски за лице.

Операторот на метрото „МТР Корп” вчера соопшти дека мрежата, низ која дневно се превезуваат пет милиони патници, нема да работи, а затворени беа и некои трговски центри и супермаркети. Демонстрантите палеле огнови на станиците и во еден празен воз, при што се повредени двајца работници во метрото, додаде МТР.

Повеќето трговски центри, супермаркети и филијали на банки денеска повторно се отворени.

Насилството во Хонг Конг ескалираше во вторникот на 70-годишнината од Народна Република Кина, кога полицијата исука околу 1.800 плутони солзавец, 900 гумени куршуми и шест борбени куршуми, од кои едниот рани 18-годишно момче кое подоцна беше обвинето за предизвикување немири и напад врз полицаец.

Протестите во Хонг Конг почнаа поради контроверзниот закон со кој се дозволува екстрадиција на осомничени во Кина, каде, според противниците на законот, тие не би имале фер судење.

Протестите подоцна се проширија на барања за поголема демократија и помалку влијание од Пекинг врз внатрешните работи на автономната провинција.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close