Дел од Охридскиот договор веќе почна да се спроведува, смета американскиот амбасадор во Приштина
Амбасадорот на САД во Приштина Џефри Ховениер денеска изјави дека договорот постигнат во Охрид веќе започнал да се спроведува.
Во изјавата за Т7, Ховениер рече дека САД силно веруваат дека договорот треба итно да се спроведе.
„Прво би рекол дека дел од договорот веќе се спроведува и секако дека подолго ќе трае процесот за спроведување на целиот договор. САД силно веруваат дека договорот мора итно да се спроведе, а истото го кажа и премиерот на Косово“.
Американскиот дипломат додава дека следен чекор е средбата на 4 април, за која се надева дека ќе биде успешна.
„Следниот чекор е средбата на 4 април, знаете дека дијалогот на Мирослав Лајчак е нов олеснет дијалог кој ги привлекува главните преговарачи да разговараат токму за тие прашања и очекуваме успешна средба со цел да се продолжи со спроведувањето на договор.”
Состанокот на 4 април е поставен и потврден од претставници на Европската унија и ќе се одржи на ниво на главни преговарачи.