Следната влада на Италија ќе вклучува „личности од висок профил кои можеби нема да бидат политичари од кариера“, им порача денеска на членовите на нејзината партија Џорџа Мелони, која се очекува да биде именувана за премиерка на државата.

Партијата на Мелони, крајнодесничарската „Браќа на Италија” го предводеше популистичко-десничарскиот блок до победа на општите избори во септември. Во коалицијата и партиите Форца Италија (на поранешниот премиер Силвио Берлускони) и Лига, а преговорите меѓу сојузниците за клучните позиции во владата веќе започнаа.

– Почетна точка за пополнување на министерските места се квалификациите, а ако тоа значи да се најдат најдобри кандидати надвор од парламентот, тоа сигурно нема да биде проблем, рече Мелони на партискиот состанок, прв по нејзината победа на изборите на 25 септември.