Дејвид Блат боледува од мултипла склероза
Трофејниот тренер кој го предводи Олимпијакос, Дејвид Блат денеска на јавноста и се обрати со отворено писмо во кое ги известува дека боледува од милтипла склероза.
Блат за дијагнозата дозна кон крајот на минатата сезона и за болеста бил известен од медицинскиот тим на Олимпијакос, но ова е прв пат јавно да признае дека боледува од оваа тешка болест.
„Понекогаш животот не изненадува и без некоја причина започнува да фрла некои работи кон нас. Тоа се моменти кои морате сами да ги распознаете и да почнете да правите избори кои ќе го тестираат вашиот карактер и ќе откриете од каков материјал сте создадени.
Кога дознав дека боледувам од мултипла склероза, по првичниот шок и солзите кои одат со тоа, одлучив дека нема откажување, морам да се приспособам и да најдан начин да продолжам со нормален живот. Мојата обврска е сека да бидам пример на сите оние кои иако имаат вакви тешкотии да продолжат да се борат и никогаш не се откажуваат од борбата“, напиша Блат во писмото кое го достави до медиумите.