Дехидрацијата и анемичноста, главни причини за постојаното чувство на замор
Постојаното чувство на замор без притоа да има конкретна причина за тоа, е проблем со кој се соочува дури 40 отсто од популацијата во светот. Едно од причините за тоа, според познавачите на оваа проблематика може да биде стресниот начин на живот, брзото темпо на живеење но и континуираната потреба да го постигнеме тешко достижното. Сето тоа ни ја црпи и физичката и психичката сила а како последица на ваквата повеќегодишна состојба, нашето тело “ослабнува“ а последица на тоа е чувството на измореност.
Сепак, причината што вие се чувствувате уморни, не мора да биде од погоре наведените причини. Заморот можеби е само еден од симптомите за некоја посериозна болест или пак присуство на одредена бактерија во вашето тело, а доколку се сомневате дека станува збор за нарушување на вашето здравје, тогаш најдобро би било, веднаш да се консултирате со вашиот матичен доктор.
Преземате повеќе обврски отколку што е потребно
Кога постојано си поставуваме нови цели во животот кои се многу тешки за да се постигнат, нашето тело троши многу енергија а како последица на тоа се јавува чувството на омалаксаност. Според психолозите, кога ќе дојдете до ситуација да посакате нешто ново да реализирате во животот, односно кога ќе дојде моментот да си поставите нова цел, запрашајте се дали тоа што го посакувате ви е навистина потребно? Доколку одговорот е не, тогаш размислете дали да го прифатите предизвикот кои самите на себе сте со го поставиле и дали по патот на неговата реализација вие дополнително би си го „потрошиле“ времето но и енергијата која толку ви е потребна за реализирање на навистина потребните активности на дневна основа.
Дехидрација
Доколку вашето тело дехидрирало, тогаш постои голема можност вие во континуитет да чувствувате замор, омалаксаност па дури и вртоглавици, мачнини во желудникот и чувство на тромавост.
Доколку навистина вашето тело дехидрирало, можат да се ви се појават и други проблеми освен омалаксаноста. Како едни од најраспространетите симптоми се падот на концентрацијата, сува кожа, сува уста, темна урина. За да ја одредите количината на вода за 24 часа која му е потребна на вашиот организам, поделете ги вашите килограми со бројот 30. Резултатот кој ќе го добиете е водата која треба да ја испиете во едно деноноќие. Обидете се да го направите тоа. Доколку после 2 или 3 дена редовно консумирање на потребната количина вода, вашето чувство на омалаксаност и тромавост исчезне, тогаш со сигурност можете да кажете дека вашето тело дехидрирало. Доколку пак и покрај доволните количества на испиена вода, вие и понатаму сте омалаксани, тогаш причината за ваквата состојба треба да ја барате на друго место.
Слабокрвност
Многу луѓе се жалат дека постојано чувствуваат дека се изморени и дека има периоди од денот кога буквално не можат да си ги извршуваат секојдневните работни обврски. Доколку и вие сте меѓу овие луѓе, поставете си го прашањето дали и колку често консумирате намирници во чија основа има месо или пак млеко. Потоа, дали јадете намирници како што се овошје или пак зеленчук кои изобилуваат со железо. Доколку одговорот е НЕ тогаш постојат големи шанси вие да сте слабокрвни.
Намалена функција на тироидната жлезда
Една од најчестите причини за континуирано чувство на слабост и малаксаност е намалената функција на тироидната жлезда. Имено тироидната жлезда има функција да го контролира нашиот метаболизам и количеството на енергија во нашето тело, со редовно произведување на доволни количини на хормонот тироксин. Доколку оваа жлезда во текот на еден ден, не лечи доволно количество од овој исклучително важен хормон, тогаш може да ви се појави чувство на малаксаност, безволност како и нагла промена на расположението.