Дефект на компјутерскиот систем го попречи патувањето со воз до и од Амстердам и во други делови на Холандија, соопшти холандската железничка компанија НС.

Проблемот ја погоди контролата на сообраќајот околу 18 часот по локално време во недела и оттогаш го осакатува железничкиот сообраќај, јави „Ројтерс“.

Железничката компанија утрово соопшти дека проблемите ќе влијаат и на меѓународните возови за Амстердам, бидејќи прекинот сè уште не е решен.

„Прекинот има големо влијание, исто така и на другите делови од земјата“, објави НС на својата веб-страница.

Компанијата не предвиде колку време ќе биде потребно за да се решат проблемите, но рече дека нема да сообраќаат возови барем до попладневните часови.

Прекинот остави околу 100 патници блокирани во централната станица во Утрехт во неделата навечер, јави холандската новинска агенција АНП.