Легендарниот италијански голман, Џанлуиџи Буфон кој во јануари наполни 43 години, сè уште не размислува за крај на кариерата.

На Буфон не му се допаѓа тоа што во Јувентус е резерва на Шчешни и најави заминување од „старата дама“, а според известувањата на италијанските медиуми дури пет екипи му понудиле да биде прв голман во следната сезона.

Според весникот „Тутоспорт“, Буфон на маса има пет понуди и тоа од пет различни држави. Наводно станува збор за грчкиот шампион Олимпијакос, германскиот бундеслигаш Ајнтрахт Франкфурт, лидерот во португалскиот шампионат Спортинг Лисабон, турскиот Галатасарај како и украинскиот Динамо Киев.
Исто така се шпекулира и со италијанските екипи Аталанта, Џенова и Парма, но Буфон наводно сака да игра во странство.
За очекување е последниот натпревар за Јувентус да го одигра на 19 мај во финалето на италијанскиот Куп каде Јувентус ќе игра против Аталанта.