Децата ретко се преносители на ковид-19, покажа нова студија

Според професорот Коен, враќањето на децата на училиште треба да се забрза, но со редовно миење на рацете.

Студија, спроведена од професорот Роберт Коен, потпретседател на француското здружение за педијатри и која ја пренесе „Ле Паризиен” покажа дека децата се ретко преносители на коронавирусот, јави дописникот на МИА.

Студијата целосно ја сврте улогата на децата во ширењето на епидемијата, откако на почетокот на пандемијата се тврдеше дека тие се големи преносители.

Оваа студија беше спроведена во регионот Ил де Франс од страна на 27 педијатри од 14 април до 12 мај и со неа беа опфатени 605 деца. Роберт Коен вели дека децата под 15 години навистина не се многу заразни:

-Кога идентификуваме заразено лице и ги тестираме неговите роднини, сфаќаме дека децата се два до пет пати помалку носители на вируси отколку возрасните, вели тој.

Професорот поставува неколку хипотези во „Ле Паризиен” за тоа зошто децата се поретко носители на вирусот,

-Се чини дека имаат помалку рецептори за вирусот на нивната носна слузница. Децата, исто така, би можеле да бидат подобро заштитени затоа што веќе имале други коронавируси: ова е вкрстен имунитет. Се чини како тие да имале обука. Повеќе во форма на анегдота ние се прашуваме дали нивната мала големина не е предност: односно тие кога ни зборуваат нивните честички од плунката не ги имаме право в лице”.

Според професорот Коен, враќањето на децата на училиште треба да се забрза, но со редовно миење на рацете.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот