Децата остануваат без бесплатниот оброк: Новите прописи во САД ќе загрозат речиси милион ученици
Нови прописи на администрацијата на претседателот на САД, Доналд Трамп, ќе остават речиси милион деца без загарантираниот бесплатен оброк.
Според проценката на Министерството за земјоделство во САД, 982,999 деца повеќе нема автоматски да се квалификуваат за бесплатен ручек во училиштата, поради промените кои ги носи дополнителната програма за помош во храна.
Дополнителната програма за помош со храна е проект преку кој граѓаните на САД со ниски примања добиваат помош во набавка на намирници.
Околу 55 отсто од вкупниот број на деца во иднина ќе мораат да го плаќаат јадењето на училиште, додека 45 отсто и натаму ќе имаат бесплатен оброк, но нивните родители ќе мораат да поминуваат преку постапка на пријавување, за да добијат нешто што од порано се подразбирало.
Администрацијата на Трамп тврди дека промените во прописите ќе ги „пополнат“ дупките во законот, кој им овозможува бесплатен оброк на децата чии родители не живеат во вистинска сиромаштија.
За сиромашни во Америка се сметаат четиричлени семејства чии приходи не надминуваат 25.000 американски долари.
Од Министерството за земјоделство соопштуваат дека некои семејства се пријавувале за таа програма и покрај тоа што тие заработувале околу 50.000 долари.