Децата биле во Австралија и Шведска, ама во Драчево наставници им пишувале оценки

Цела учебна година, од почеток до крај, на четири деца од различни одделенија и паралелки, основното училиште ,,Кузман Шапкарев” од Драчево им пишувало оценки, ги заведувало како присутни на часовите, а на крајот од годината им издало и свидетелства за успешно комплетирана училишна година, иако нивната нога воопшто не стапнала во училиштето, бидејќи биле иселени во Австралија и во Шведска.

Директорот на Државниот просветен инспекторат Томе Спировски, за Слободен печат тврди дека случајот го пријавиле наставници од училиштето што не можеле веќе да гледаат дека нивните колеги, одделенски и предметни наставници, како и директорката, се состануваат, лажираат оценки и фалсификуваат дека учениците се присутни на наставата и едноставно, не сакале повеќе да учествуваат во фарсата.

-Вработени во училиштето ни пријавија дека директорката ги терала да пишуваат оценки иако децата не се тука, туку се иселени во Австралија и во Шведска. Тие цела учебна година не биле тука во државата, а во дневниците им биле пишувани оценки, им биле издадени свидетелства. Инволвирано е 21 лице и нормално, кога го откривме случајот пријавивме во МВР. Ги разгледавме дневникот, главните книги, цело време децата биле водени дека се на настава, им биле ставани оценки во дневниците. Ги прашавме наставниците, дали го виделе ученикот, дали го испрашале, како го оцениле, ни одговорија негативно. Пишувале сите договорно, но некои се спротиставиле и пријавиле. Некои од инволвираните ни рекоа дека ,,сакале да направат добро”. Мене не ми е јасно какво добро направиле, ни рече директорот на Државниот просветен инспекторат Спировски.

Прочитајте и...  Владејачката ПАП повторно победи на парламентарните избори во Сингапур

Како што посочува тој, додека во Драчево им течело ,,образованието” и им било издадено сведителството, две од децата биле во Шведска, а две дури во Австралија.

-Ја откривме целата шема, ја разголевме. Документацијата беше цела потполнета, најрегуларно, но суштински децата воопшто не оделе на настава. Почната е целата ситуација во септември 2018 година, а завршила во 2019 година, на крајот од учебната година. За нас како инспекција работата беше лесна. Ги викнавме наставниците, ги прашавме, еве овде сте ставиле оценка во дневникот дали сте го виделе овој ученик на настава, ни одговорија негативно. Епа како им пишувале оценки тогаш, не ни е јасно. Можеле и на мене и на вас да ни издадат по едно свидетелство, се пошегува Спировски, зачуден од настанот.

Тој додава дека кога откриле дека сведителствата биле фалсификувани, морале дополнително да постапат.
Кога видовме дека се отишло до таму да се извадат и свидетелства, и тоа фалсификат, наш инспектор донесе решение да се поведе постапка сведителствата да бидат поништени и тоа се случи. Поништени се на наставнички совет. Како што наставничкиот совет си ги издал, така и си ги поништи. Цел колектив си ја призна вината, додава Спировски.
Имало наставници и во одделенска и во предметна настава, бидејќи децата биле од различни одделенија. Едното било во шесто одделение, другото во осмо, третото и четвртото во второ или трето одделение. Мотивите за ваквото постапување на наставниците воопшто не се утврдени.

Прочитајте и...  Во Украина регистрирани нови 800 случаи со ковид-19

Единицата за економски и компјутерски криминал при СВР Скопје до Основното Јавно Овинителство во Скопје, поднело кривична пријава против 21 лице сите вработени во Основното Училиште ,,Кузман Шапкарев” во населба Драчево и тоа: В.Н. (56), заради постоење на основано сомнение дека сторила кривично дело – ,,злоупотреба на службената положба и овластување“ казниво по член 353.
Таква пријава била поднесена и против лицата П.И. (46), Н.Д.Б. (63), С.Л. (57), М.М. (54), П.Б. (39), З.А.Ѓ. (45), В.А. (41), С.А. (41), Г.С.А. (45), С.Ц. (57), Д.Ц. (39), М.Д. (45), Г.Ј. (53), Б.К. (39), М.В. (51), Б.Н. (37), Т.Г. (39), Р.С. (61), С.С.М. (41) и Л.С.П. (58) сите од Скопје, а заради постоење на основано сомнение дека сториле кривични дела ,,злоупотреба на службената положба и овластување“ казниво по член 353 и ,,фалсификување исправа” казниво по член 378 од Кривичниот Законик.

Имено, првопријавената во текот на учебната 2018-2019 година, со цел да им прибави корист, односно да им овозможи да се здобијат со свидетелства за завршена учебна година на четири ученици од училиштето кои подолг временски период во текот на учебната година биле надвор од државата и не присуствувале на настава, ги поттикнала и влијаела кај останатите горепријавени, инаку предметни наставници и одделенски раководители, на одржаните наставнички совети да изгласаат оценување на отсутните ученици, врз основа на што била изготвена целокупна педагошка евиденција со невистинита содржина.

Прочитајте и...  Чулев: Ќе побарам помош од војската за запирање на влезот на мигранти

Пријавените наставници, исто така во својство на службени лица, под влијание на првопријавената, иако знаеле дека четворицата ученици се одселиле од Македонија, односно не доаѓале на настава во соодветните паралелки, не ги запишувале учениците како отустни од настава во евиденцијата на паралелките и извршиле фиктивно оценување на учениците за периодот додека биле отсутни, со што ги пречекориле своите службени овластувања и овозможиле изготвување на Свидетелства за завршена учебна година.

Од страна на Државниот просветен инспекторат, до МВР е доставено известување, според кое инспекторат извршил вонреден инпсекциски надзор во училиштето ,,Кузман Шапкарев“, по претставка од општина Кисела Вода, при што се констатирани повреда во постапката за водење на педагошката евиденција и документација, како и повреда со неевидентирање на изостаноците на учениците кои биле отсутни подолг временски период.

Од училиштето не ни одговорија од кои мотиви се издале фиктивни свидетелства за учениците, а од Општина Кисела Вода исто така не споделија повеќе информации наведувајќи ја истрагата како причина.

Прочитај повеќе

Мицкоски: Заврши времето на политичари елитисти, ние ќе ги засукаме ракавите и ќе ја обновиме Македонија

Слободен печат

Мендух Тачи: Македонците ќе бидат обврзани да прифатат дводомен парламент и не правам договор со ДУИ

Слободен печат

Најмалку две жртви при уривање на зграда во Лагос

Слободен печат

Мандатот на Еулекс продолжен за една година

Слободен печат

Заев: Имаме земја призната од светот, ВМРО-ДПМНЕ може да учи од нас што е патриотизам

Слободен печат

Експлозија на бомба во Авганистан, загинаа шест цивили

Слободен печат

Остави Коментар

Прочитај повеќе

Касами од Тетово: Во наредните четири години ќе се доближиме до ЕУ

Слободен печат

Шахпаска од Велес: На 15 јули одиме напред по патот на напредокот

Слободен печат

ЗНМ, ССНМ и СЕММ ги осудуваат законите упатени кон новинарката Милевска

Слободен печат

Заврши протестот во Нови Сад, во Белград засега мирни демонстрации

Слободен печат

Во карантин македонски државјани кои дошле од Авганистан, дел од нив позитивни на Ковид-19

Слободен печат

ТРАГЕДИЈА: 28-годишно момче се удави во езерото „Младост“

Слободен печат