Летонецот Дејвис Бертанс е нов член на тимот на Дубаи кој ќе се натпреварува во АБА лигата.

Се најавуваше во претходните денови дека дебитантот во ова натпреварување ќе добие сериозно засилување и на крајот тоа е потврдено.

Зад себе Бертанс има евролигашко и НБА искуство, но настапуваше и во АБА лигата додека беше член на Партизан и Олимпија.

Летово се поврзуваше со враќање во редовите на Партизан, меѓутоа на крајот ја прифати подобрата финансиска понуда од Дубаи.

Дубаи сериозно се засили летово и ги доведе: Немања Дангубиќ, Данило Анѓушиќ, Леон Радошевиќ, Клемен Препелиќ, додека тренер е Јурица Големац.

Бертанс низ кариерата го носеше дресот на: Сан Антонио, Вашингтон, Далас, Оклахома и Шарлот во НБА, а во Европа беше дел од: Рига, Олимпија, Љубљана и Партизан.