Дебата за недостатоците во постојниот Закон за безбедност и здравје при работа

Македонското здружение за заштита при работа, во соработка со Организација на работодавачи и Сојузот на синдикати на Македонија, во рамки на проектот “Подобрување на вклученоста и влијанието на граѓанското општество во јавните политики за безбедност и здравје при работа и при донесувањето одлуки како подршка на државата во процесите на пристапување кон ЕУ” – EuropeAid организира дводневна дебата каде детално ќе се разгледуваат постоечките недостатоци во актуелното законско решение.

Дебатата ќе јa води проф. др. Агим Шаќири експерт за областа, а како излагачи ќе учествуваат еминентни инспектори и практичари од областа на безбедноста и здравјето при работа.

Според организаторите, постојниот Закон за безбедност и здравје при работа ( 136/11, 23/13, 25/13, 137/13, 164/13, 158/14, 15/15, 129/15, 192/15) ги уредува мерките за безбедност и здравје при работа, обврските на работодавачите, како и правата и обврските на вработените во областа на безбедноста и здрвјето при работа. Истиот потполно е усогласен со одредбите на Директивата на Советот 89/391/ЕЕC од 12 јуни 1989 година, за воведување мерки за поттикнување и подобрување на безбедноста и здравјето на вработените. Согледувајќи ја практичната имплементација на Законот, посочуваат, се наметна потребата да се донесат негови измени и надополнувања или нов Закон за безбедност и здрвје при работа.

-Од донесување на Законот за безбедност и здрвје при работа, како и од основањето на советодавно тело на Владата, во делот на креирање и имплементација на политики во областа на безбедноста и здравјето при работа, поминаа 12 години. Воедно, ресорното Министерство за труд и социјална политика пристапи кон спроведување на активност за ревизија на истиот или потреба од подготовка на нов, наведуваат организаторите на дебатата.

Заклучоците од оваа дебата, во форма на конкретни предлози и препораки, ќе бидат доставени до Министертсво за труд и социјална политика.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот