Дебата за ефектите од реформата на персоналниот данок на доход, ќе се одржи денеска во Скопје, во организација на Асоцијацијата „Зенит”, со учество на претставници од  Управата за јавни приходи, Министерството за труд и социјална политика, Народниот правобранител, експерти за даночна политика, како и претставници на граѓанското општество.

На настанот ќе се претстават резултати на спроведена анкета со граѓани, ќе се направи осврт на степенот на остварување на зацртаните цели на реформата, предизвиците што ги наметна за дел од граѓаните и деловните субјекти и ќе се посочат аспекти на даночниот модел за кои би требало да се размисли за промена, во насока на подобрување на праведноста на оданочувањето.

Дебатата е дел од проектот „Кон поправедна и поодржлива даночна политика” е поддржан од Европската унија преку регионалната иницијатива „Граѓанските организации  како еднакви партнери во мониторирање на јавните финансии”.