Де Лихт: Роналдо е како предатор
Ајакс успеа да остане непоразен во првиот четвртфинален дуел во ЛШ играјќи 1:1 со Јувентус. Резултатот го отвори Кристијано Роналдо во 45. минута, а младите фудбалери на Ајакс израмнија на стартот од вториот дел преку Давид Нерес.
– Ја имавме топката во наш посед, имавме неколку добри шанси, но не успеавме да ги реализираме. Но нашиот тим има огромен талент и вака важен натпревар одигравме многу добро. Покажавме дека заслужено сме во четвртфиналето – вели Матијс де Лихт, еден од најдобрите играчи на Ајакс.
Младиот Де Лихт беше импресиониран од првата ѕвезда на Јувентус, Кристијано Роналдо, кој успеа да се опорави од повредата и успеа да го постигне голот за тимот од Торино.
– Кристијано Роналдо е неверојатно квалитетен играч. Тој е вистински предадор во противничкиот шеснаесетник – потенцира Де Лихт.