Најбараниот дефанзивец во летниот преоден рок, Матијс де Лихт, конечно се одлучи каде ќе ја продолжи кариерата, ќе потпише за италијанскиот шампион, Јувентус. Трансферот на Де Лихт во Јувентус ќе изнесува 70 милиони евра, пишува холандскиот весник „Де Телеграф“.

Капитенот на Ајакс, пред неколку денови ја одби понудата на Барселона поради помалата плата која му ја нудеше во однос на конкурентите, 6 милиони евра, но и бидејќи каталонскиот клуб не сакаше во договорот да вметне клаузула во која му гарантираше на Де Лихт дека поголем дел од натпреварите ќе  ги започне во стартната постава.

Од тој момент, Јувентус одлучи да се активира во трката за потписот со 19-годишниот фудбалер и е подготвен да му ја исполни желната, ќе биде стартер и го очекува годишна плата од 10 до 15 милиони евра.