Де Лаурентис: Елиф, добредојде во Наполи! (ФОТО)

Фото: twitter.com/ADeLaurentiis

Оваа слика со Елиф Елмас ја сподели и Наполи на својот Твитер профил, а истото го направи и клубот на својот сајт.

И официјално Елмас е нов фудбалер на Наполи. Не се објавени деталите на сајтот, но клубот вели дека настапувал за Работнички (две сезони, девет голови во шампионатот и купот), а досега ги бранеше боите на Фенербахче каде што запиша четири погодоци. Дебитираше за А националниот тим на 17 години. Досега има 12 настапи во нашиот сениорски дрес, два гола против Летонија во квалификациите за ЕП 2020. Како што е веќе познато на 24 септември ќе наполни 20 години.

Tрансферот на нашиот играч од Фенербахче во Наполи е вреден 16 милиони евра плус три милиони евра како дополнителни бонуси во зависност од неговите настапи и успеси, со потпишан договор на пет години и според кој годишно ќе заработува 1.3 милион евра. Ова е рекорден трансфер во историјата на македонскиот фудбал, а ова е и рекорд на Фенербахче кога станува збор за продажба на млад играч за највисока сума досега.

Како што и се најавуваше на овој потпис присуствуваше и првиот човек на „наполитанците“, Де Лаурентис кој еве што напиша на својот Твитер профил: – Елиф, добредојде во Наполи –

Македонскиот репрезентативец успешно ги помина лекарските прегледи, пристигна во Димаро каде што се наоѓаат и неговите нови соиграчи. Елмас е третото летно засилување на Карло Анчелоти после Костас Манолас и Џовани Ди Лоренцо.

Во меѓувреме пристигнуваат и честитките од сите страни, меѓу нив поранешниот тимски колега од Работнички, Баже Илијоски, како и од селекторот на А македонската фудбалска репрезентација, Игор Ангеловски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот