Претседателот на Наполи, Аурелио Де Лаурентис сака да се одложи натпреварот помеѓу Јувентус и Наполи на македонскиот репрезентативец Елиф Елмас, кој е закажан за 17 март.

Овој меч требаше да се игра на 4 октомври минатата година, но ситуацијата со коронавирусот не му дозволи на Наполи да допатува во Торино.

Тогаш дуелот беше регистриран со службен резултат 3:0 за Јуве, на гостите им беше одземен еден бод, но подоцна таа одлука беше поништена.

Де Лаурентис не е задоволен од одлуката натпреварот да се игра на 17 март, бидејќи Наполи ќе треба да се соочи со уште два тешки ривали во Италија, Милан и Рома, во периодот од 14 до 21 март.

Наполи се бори за четвртото место и пласман во Лигата на шампионите, а три такви тешки натпревари за само седум дена би биле можеби преголем залак за составот на Џенаро Гатузо.

Веќе видено во Серија А, Лацио го „глуми“ Јувентус!