Де Брујне го знае идниот клуб: Му кажав да ми чува место во тимот – Слободен печат
СпортФудбал

Де Брујне го знае идниот клуб: Му кажав да ми чува место во тимот

Белгискиот репрезентативец по Манчестер сити, планира да се врати во татковината.

Кевин де Брујне игра фантастично за англискиот шампион Манчестер сити, а одличната форма ја потврди и во дресот на репрезентацијата. Тој во победата на неговата Белгија над Шкотска со 0:4 учествуваше со еден гол и три асистенции.

Иако, моментно ужива во настапите за „граѓаните“, Де Брујне размислува за тоа каде ќе игра за неколку години и како реална опција за него, е враќање во татковината. Тој во разговор за англискиот „Сан“ откри дека му порачал на поранешниот соиграч во Сити и во Белгија, Винсен Компани, да му чува место во тимот на Андерлехт.

– Му кажав на Винсен за неколку години да му чува место во Андерлехт откако ќе завршам тука во Сити. Ако то стори тоа, знам која ќе биде мојата идна дестинација – рече Де Брујне.
Кевин де Брујне има важечки договор со Манчестер сити до 2023 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close