Давидовски имаше успешен крај во ТЦР Европа – Слободен печат
ОстанатoСпорт

Давидовски имаше успешен крај во ТЦР Европа

Со овие девет бода во Монца, „ПСС Рејсинг" се наде на 15. место во екипна конкуренција.

На последната трка во Монца, тој во два наврати финишираше во бодови, при што во првата трка го освои 15. место, а во втората трка 13. место, за што доби вкупно 6 нови бода (1+5), па со вкупно 9 поени од 14 трки ја финишираше својата втора сезона во најсилната конкуренција на Стариот континент.

Виктор Давидовски имаше успешен крај на сезоната во првенството ТЦР Европа, каде што оваа година беше единствен македонски претставник.

– Имајќи предвид колкку малери и дефекти имавме, вклучувајќи го последното откажување на турбо полначот на претходната трка во Барселона, генерално сум задоволен од финишот на оваа натпреварувачка сезона. Освоивме бодови и бевме подобри од лани, кога ја започнавме нашата одисеја во оваа исклучително силна конкуренција, но сепак чувствувам дека можевме и подобро. Прво сум критичен кон самиот себе за извесни грешки кои не чинеа многу нерви и слаби пласмани, но исто така сум разочаран од БОП параметрите доделени од организаторите за автомобилите Хонда, како мојот. На пример, од „купра” и „голф” сме потешки за 60 килограми. Сепак, искуствата од лани почнаа да не водат кон напредок и сега сме многу поискусни и поупатени во секој сегмент, така што резултатите едноставно мораа да стигнат порано или подоцна – констатира македонскиот пилот од „ПСС Рејсинг”.

Со овие 9 бода, „ПСС Рејсинг” се наде на 15. место во екипна конкуренција. За титулата во поединечна конкуренција се уште се чека на пресудата од техничката комисија, која го испитува автомобилот Хјундаи на Џош Фајлс, кој славеше на втората трка во Монца и освои 40 бодови. Французинот Жулиен Брише е втор откако славеше во првата трка со Пежо 308, и можно е да биде промовиран во европски првак доколку техничката комисија најде нешто нерегуларно кај Фајлс.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close