Датумот на свадбата ја открива иднината на бракот, пресметајте го вашиот број и проверете што вели нумерологијата

Сè што мажот и жената ќе одлучат во врска со својот брак е важно, но една од највлијателните одлуки може да биде онаа која се однесува на самиот датум на венчавката.

Датумот кој идните сопружници ќе го изберат за свадба, може да го одреди текот на нивниот брачен живот. Така барем тврди нумерологијата.

Според нумеролозите, лесно може да се пресмета тој број: едноставно соберете ги месецот, денот и годината на вашата венчавка и сведете го тој збир на едноцифрен број.

На пример, за венчавка на 8 април 2014 година (8+4+2014=2026=2+0+2+6=10=1+0=1).

Дата на венчавка број 1. 

Со оваа дата владее Сонцето. Периодот на забавување бил незаборавен, а и самата средба била романтична.  Изборот на токму овој датум за венчавка укажува на тоа дека сте многу вљубен и нежен пар, дека тежнеете кон потполно соединување со брачниот партнер. Брак кој довека трае!

Дата на на венчавка број 2.

Емоционалната зрелост ќе биде важен фактор за успехот на овој брак. Во секој случај немојте да се изненадите ако сите пуштат по некоја солза на вашата венчавка, затоа што сите ќе бидат многу разнежнети. Причината за склопување на овој брак со кој владее Месечината најверојатно е желбата за семејството и топлината на домот, или желбата да се најде сродна душа која сака деца или е подготвена да ги прифати децата од претходниот брак на партнерот и да се обиде да им пружи родителска љубов. Ако децата се единствената причина за склопување на овој брак, можеби е подобро да ја преиспитате својата одлука. Во секој случај ова ќе биде пријателски брак.

Дата на венчавка број 3.

Ако не се шегувате кога велите дека сакате да стапите во брак од интерес, тогаш венчалниот број 3 совршено ви одговара. Но, овој брак нуди изобилство на среќа и задоволство особено за оние кои стапиле во брак од љубов. Иако и за оние од интерес, ќе има доволно. Во оваа врска со која владее Јупитер веројатно ќе се изродат многу деца, а семејните собирања ќе преставуваат важен дел од вашиот живот. Ако бракот не заврши брзо, во првите две-три години, долго ќе трае и ќе биде многу среќен.

Дата на венчавка број 4.

Свесни сте за сите обврски и одговорности кои ги носи бракот. Значењето на оваа дата е верност и трајност. Парот споен во брачна заедница на овој ден во состојба е да работи заедно, да ги оствари сите свои цели. Било да се работи за купување на куќа  или започнување на семеен бизнис, сè што ќе работите претходно внимателно ќе испланирате. Потребата за сигурност понекогаш е главна мотивација за опстанок на бракот. Да се продолжи семејното име, да се изгради иднина – се само некои од фразите кои се поврзуваат со опстанокот на оваа брачна заедница со која владее Сатурн.

Дата на венчавка број 5.

Ако сте ја избрале оваа дата за ден својата венчавка значи дека акцентот сте го ставиле на квалитетот во комуникацијата која сте ја имале со својот партнер, идниот сопруг. Оваа врска може да се бори против здодевноста. Врската ќе изобилува со патувања и промени на местата на живеење. Младите луѓе кои рано ќе се венчаат и ќе си помагаат еден на друг за време на студирањето, останувајќи активни и заинтересирани за светот околу себе, се вистински пример за овој брак со кој владее Меркур. Во секој случај, ова е мудар брак.

Дата на венчавка број 6.

Ако сте ја одбрале токму оваа дата на вашата венчавка, сте го добиле благословот на Венера за својата брачна заедница. Љубов, нежност, мир и среќа се карактеристиките на овој брак, иако тоа не значи дека оваа заедница има свој „ангел чувар“ туку дека самите партнери мораат да водат сметка што прават и да ја чуваат својата врска од разни искушенија. Овој брак е под влијание на Венера која овозможува помирување во секоја ситуација. Бидете идеалист, а вашата љубов нека биде природна, зошто тоа е силата на овој брак. Брак со голема љубов!

Дата на венчавка број 7.

Ако сте го одбрале овој ден за својата венчавка бидете подготвени за промена на плановите во последен момент. Иако бројот 7 укажува на изненадувања во секој поглед, може да укажува и на спас во последен момент. Од друга страна Уран владее со случајот, а бројот 7 може да означува и грешки и немудри одлуки. Ова може да биде венчален ден за кој се одлучуваат личности кои немаат исто потекло, иста вера или иста националност. Накусо, станува збор за брак со низа потреси и промени.

Дата на венчавка број 8.

Овие партнери се разбираат со поглед, па така, уште на првата средба на двајцата веднаш им било јасно дека се како создадени еден за друг. Ќе бидат успешни во заедничката работа, но и во секој друг поглед ќе бидат сложни како пар. Ова исто така може да биде брак на двајца луѓе подготвени да се жртвуваат за кариерата на својот партнер, восхитувајќи се на храброста која ја покажува партнерот. Бурните кавги брзо ќе се решаваат, а страста ќе доминира во овој брак кој е под влијание на Марс.

Дата на венчавка број 9.

Ако за свој ден за венчавка сте ја одбрале оваа дата, можеби сакате повлечен и мирен брак. Под влијание на Нептун, можно е едната страна да се одлучи за бегство од својот дом поради склучување на брак. Меѓу партнерите постои цврста духовна врска, било да се тие свесни за тоа или не. Бракот склопен на оваа дата е судбински, иако се чини дека сите биле против него и дека ниту другите околности не му оделе во полза. Можно е да се работи за брачна врска во која двајцата партнери имаат некоја пречка, од емоционална или физичка природа, која со помош на брачниот другар сакаат да ја надминат. Ако се потребни жртви, тие ќе бидат направени од љубов во овој уметнички и длабоко духовен брак.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот