Дарвин Хам е новиот тренер на ЛА Лејкерс
Актуелниот помошник на Мајк Буденхолзер во Милвоки бакс, Дарвин Хам ќе биде новиот тренер на Лос Анџелес Лејкерс, објави новинарот Адријан Војнаровски, кој ретко греши кога станува збор за трансферите во НБА лигата. Тој доаѓа на местото на Френк Вогел кој доби отказ иако пред сезони со лејкерси ја освои титулата.
Ham made a strong impression on Lakers in several areas, including his championship pedigree, his commanding presence, history of coaching stars and toughness. Ham will start assembling a staff expected to include head coaching experience. https://t.co/8hCVatbraw
— Adrian Wojnarowski (@wojespn) May 28, 2022
Хам на интервјуто ја импресионирал управата на ЛА Лејкерс која се одлучила токму на него да му даде шанса да ја предводи екипата од следната сезона иако во конкуренција за тренерското столче бил и поранешниот тренер на Портланд, Тери Стотс.
Дарвин Хам веќе има работено во ЛА Лејкерс како помошник тренер и тоа од 2011 до 2013 година, а потоа работеше како асистент на Мајк Буденхолзер, прво во Атланта хоукс, а потоа и во Милвоки со кого минатата сезона ја освои шампионската титула.
ЛА лејкерс иако важеше за еден од главните фаворити за титулата сезонава, не успеа да обезбеди пласман во плеј-офот и тоа го чинеше отказ тренерот Вогел.