16.8 C
Скопје

Данските легенди на инди-рок сцената – Efterklang, пристигнуваат во Скопје!

Првата најава за овогодинешното издание на ЗДРАВО МЛАДИ доаѓа со данските легенди на инди-рок сцената – Efterklang.

Фестивалот кој веќе една декада го става Скопје на мапата на светските прогресивни музички случувања почнува со припреми за јубилејното 10-то издание.  Изминативе 9 лета поминати заедно имавме шанса да ги слушнеме најактуелните имиња на музичката сцена, а лани официјално се отвори новата летна сцена – МКЦ парк во која совршено се вклопи прогресивниот музички крик – ЗДРАВО МЛАДИ. Единствениот скопски летен фестивал оваа година ја закажува средбата на 27 август!

Првата најава за овогодинешното издание на ЗДРАВО МЛАДИ доаѓа со данските легенди на инди-рок сцената – Efterklang. Бендот го сочинуваат 3 пријатели од детството: Mads Brauer, Casper Clausen и Rasmus Stolberg. Седум години по последното студиско издание, бендот се враќа во студио и го издава петтиот албум насловен Altid Sammen, кој критиката го прогласи за најдобар досега. Периодот на транзиција, проследен со големи авантури и креативно истражување, резултира со албум кој е смел и амбициозен, но сепак ангажиран на примарно и емотивно ниво. Албумот Altid Sammen не отстапува од експериментирање, што е заштитен знак на бендот уште од нивниот деби-албум. Крајниот резултат од сите овие патувања, сите овие експерименти, е најдобрата музика во кариерата на Efterklang.

Наскоро следува најава и за нови изведувачи на фестивалот.

Earlybird билети по цена од 500 денари се достапни на билетарница во МКЦ и online преку bileti.mkc.mk

Поврзани вести

Кина испраќа тројца астронаути во Вселената

Слободен печат

Уaпceн Седат Пекер: Кoнтpoвepзниoт бизниcмeн co македонски пacoш бил пpивeдeн вo Дубаи

Слободен печат

Хакери украле приватни податоци на повеќе од три милиони купувачи на Фолксваген

Слободен печат

Си-Ен-Ен: САД се сомневаат во можни проблеми во кинеска нуклеарка

Слободен печат

Неколку улици во Радишани денеска без вода

Слободен печат

Паркингот на Водно во текот на викендот го искористиле 169 возила

Слободен печат

Остави Коментар