Данскиот селектор не знае што го снајде во Скопје
Селекторот на Данска, Николај Јакобсен не можеше да верува дека неговата репрезентација која е актуелен светски шампион, вечера беше комплетно надиграна од Македонија. Ракометарите предводени од новиот селектор Кирил Лазаров ја совладаа Данска со 33:29 и направија голем исчекор кон пласманот на ЕП 2022.
Јакобсен вели дека тој и неговите ракометари не ја потцениле Македонија, но и дека не очекувал вакво издание на противникот.
– За вакво нешто не бевме подготвени, ниту пак очекувавме дека може да ни се случи ваквата работа. Направивме премногу грешки во нападот, а потоа и промашивме премногу шутеви, за да можеме да победиме денеска овде. Немаше потценување, не дојдовме во Македонија со кренати носеви. Сепак, она што очекував да го одиграме, не го видов на теренот. Имам голем број на натпревари како селектор, ова дефинитивно ми е еден од оние кои нема да ги паметам по добро – изјави Јакобсен.
Некоја нова Македонија, совладан светскиот шампион на селекторското деби на Лазаров