Репрезентацијата на Данска вечерва ја совлада Словенија и закажа финале со Германија на Олимписките игри во Париз. Во полуфиналето вечерва Данска славеше победа со резултат 31:30.

Данците многу подобро го започнаа натпреварот и изгледаше дека лесно ќе дојдат до победата, а на паузата водеа и со пет голови разлика (15:10). Водеа и некаде на средината од вториот дел со шест гола, во самиот финиш на семафорот стоеше 31:27. Но, тоа не ги откажа Словенија која направија серија од три гола и се доближи на „минус еден“, а имаа прилика и да изедначат.

Во последните моменти во центарот на вниманието се најдоа судиите Хорачек и Новотни кои не досудија очигледен пенал за Словенците со кој тие можеа да израмнат и да се изборат за продолженија. Ситуацијата се прегледуваше и на снимките, но седмерец немаше.